Vieiros

O colectivo arxentino Iconoclasistas defínese como "un laboratorio de comunicación e recursos contrahexemónicos de libre circulación". Son só dous, un home e unha muller, mais moi activos. Percorren Latinoamérica seguindo o rastro dos conflitos sociais e das loitas ambientais que afectan a rexión e plásmanos en mapas. Un outro xeito de comunicar, máis visual, tamén efectivo.

A semana vindeira, terza e cuarta feira, achegarán o seu coñecemento e visión estratéxica no obradoiro que a Rede de Dereitos Sociais (RDS) da Coruña organiza no CS Atreu! O fin último da RDS e doutros varios colectivos integrados na rede Galiza Non Se Vende é elaborar unha proposta de Cartografía Crítica da Galiza, baseada nas loitas e conflitos abertos no noso país.

A iniciativa ten un precedente, tamén na Coruña, cos gráficos incluídos na campaña de información crítica co PXOM do Concello, impulsada por unha vintena de colectivos asinantes do manifesto Polo Dereito á Cidade.


Programa do obradoiro:

Martes, 15
12.00 horas: presentación pública do colectivo arxentino Iconoclasistas e da proposta de Cartografía Crítica da Galiza 1.0. Na Escola Técnica de Arquitectura da UDC (Campus da Zapateira).

16:00 a 21:00 horas: Primeira xornada do obradoiro de Cartografía Crítica da Galiza. No CS Atreu!

Mércores, 16
16.00 a 21.00 horas: Segunda xornada do obradoiro. No CS Atreu!

• Contacto para participar: rdscorunha[arroba]gmail.com

• Exemplos de cartografía crítica de Iconoclasistas