Vieiros

Vieiros de meu Perfil


Máis Alá

Xestionado por Vieiros
RSS de Máis Alá
II Encontro Internacional de Mulleres Cineastas

Contra os estereotipos da muller, tamén desde o cinema europeo

Agnès Jaoui, Isabel Coixet, Carin Bräcke, Patricia Ferreira e Bina Daigeler disertaron esta quinta feira en Compostela sobre o 'cine feminino'.

Redacción - 13:15 07/05/2010
Cartaz do encontro internacional

Cartaz do encontro internacional

As mulleres do mundo do cine reunidas esta quinta feira en Compostela no II Encontro Internacional da Asociación de Mulleres Cineastas e dos Medios Audiovisuais (CIMA) non só se preocupan pola escasa representación do seu sexo no sector, senón pola imaxe que se ofrece del nos relatos cinematográficos.

Para a directora francesa Agnès Jaoui, que outorga moito "poder" aos "modelos que vehiculan os medios", os filmes deben deixar de mostrar "clixés" para representar mulleres reais, xa que "o cine ten o poder de acelerar" o cambio.

A madrileña Patricia Ferreira tamén cre que nas producións audiovisuais "non aparecen os modelos que a sociedade debe seguir". E a catalá Isabel Coixet considera que "existe un cine dominante onde hai uns estereotipos pon ganas de vomitar".

A sueca Carin Bräck mostrou a súa "estrañeza" polo problema da conciliación familiar, xa que os nenos teñen "pai e nai", polo que o "único" inconveniente que se podería expor é se ambos os dous proxenitores traballasen á mesma hora.

Pola súa banda, a deseñadora de vestiario alemá Bina Daigeler chamou a atención sobre o "interesante" de poder coñecer neste encontro -que remata este venres- visións de mulleres doutros países sobre a súa situación no mundo do cine.

'Carta de Compostela'
O obxectivo da xuntanza é crear unha rede de mulleres do audiovisual europeo e elaborar un documento que se denominará Carta de Compostela, en que haberá diversas propostas sobre o futuro inmediato do sector feminino e servirá como documento fundacional.


5/5 (1 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: