Vieiros

Vieiros de meu Perfil


Máis Alá

Xestionado por Vieiros
RSS de Máis Alá
10 mil persoas pasaron xa pola mostra

Moita vida a pé do lar!

A exposición "Memorias da cociña", que visitará outros puntos de Galiza e sairá tamén ao estranxeiro, permanece aberta até este domingo 21 de marzo.

Redacción - 10:45 19/03/2010

Logo da prórroga que, á vista do éxito de público, os organizadores estabeleceron para a exposición "A pé do lar, memorias da cociña", a mostra pechará no Museo do Pobo Galego este domingo 21 de marzo. Foron máis de 10 mil persoas as que tiveron oportunidade de visitar a instalación, que rende homenaxe a dous mil anos de historia da gastronomía do país.

Imaxes, sons, cheiros e sabores a través dos séculos, debullando a evolución da gastronomía galega a través de paneis explicativos, son, vídeo ou a recreación dunha cociña tradicional. Un itinerario visual, temporal e cunha ollada etnográfica a través de exemplos actuais e pasados das cociñas e dos fogares de Galiza.

Alén do espazo expositivo no Museo do Pobo, a exposición tivo tamén orixinais eventos paralelos, como é o caso dos espectáculos nocturnos "As noites contadas", coa colaboración dos contadores Paula Carballeira, Quico Cadaval, Avelino González e Candido Pazó, que recrearon o ambiente e as temáticas das historias contadas ao redor do lume, nunha lareira recreada especificamente para a exposición. Tamén varios restaurantes de Compostela ofreceron durante este tempo pratos recuperados polo equipo de investigación da exposición. Ademais, os visitantes puideron levar para a casa, e canda un caderniño da mostra, unha escolma de receitas, con versión antiga e moderna da preparación de gorentosos pratos típicos do país.


4,33/5 (6 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: