Vieiros

Vieiros de meu Perfil


Máis Alá

Xestionado por Vieiros
RSS de Máis Alá
Womex

A música galega soará en Minas Gerais

Galiza e Brasil cerran un acordo polo que entre oito dez grupos galegos actuarán no estado brasileiro en xuño de 2010.

Redacción - 11:38 02/11/2009
O expositor de Galiza en Womex

O expositor de Galiza en Womex

A Axencia Galega das Industrias Culturais (Agadic) e o estado brasileiro de Minas Gerais acordaron promover o intercambio de grupos e artistas. O acordo pechouse en Copenhague, onde estes días se celebrou unha nova edición de Womex, a principal feira internacional de música folk, de raíz, étnica e tradicional. Entre oito e dez grupos galegos participarán en xuño de 2010 nun ciclo dunha semana de duración nun dos maiores e máis poboados estados brasileiros. Como contrapartida, Galiza acollerá o ano vindeiro unha semana cultural de música brasileira.

Galiza estivo presente un ano máis en Womex baixo a marca Galician Tunes. Entre os máis de tres mil axentes acreditados de 90 países diferentes atopábase a delegación galega, composta pola Agadic, as dúas asociacións do sector, AGEM e Agaphono, e dez empresas: Falcatruada, Ouvirmos, Zouma Records, Berrogüetto Producións, Abada, Mare, Articket, Sul Produccións, Nordesía e Lóspregos. A Consellería de Cultura e Turismo calcula que máis de dúas mil persoas pasaron polo expositor galego na capital danesa, no que se distribuíu un cd cunha selección de temas de artistas galegos, a guía Galician Festivals, que recolle a listaxe de festivais máis destacados do país, e a revista Ao Vivo Música.


3,75/5 (4 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: