Vieiros

Vieiros de meu Perfil


Edición xeral

RSS de Edición xeral
EN COMPOSTELA

'Galiza non se vende' sae á rúa para exixir políticas máis respectuosas co territorio

Na protesta, que partiu da Alameda e rematou na Quintana, participaron medio cento de colectivos de diferentes comarcas do país.

Redacción - 14:20 15/02/2009
Centos de persoas xuntáronse na alameda de Compostela

Centos de persoas xuntáronse na alameda de Compostela

Arredor de tres mil persoas achegáronse até a capital do país para participar na mobilización organizada pola plataforma 'Galiza non se vende'. A manifestación, que partiu da Alameda e finalizou na Quintana, quixo chamar a atención sobre a necesidade de pór en práctica políticas máis respectuosas co medio.

Nunha mañá máis propia da primavera, a manifestación botou a andar no medio dun ambiente moi festivo.  As principais críticas contra o actual Goberno tiveron moito que ver cos proxectos acuícolas e eólicos. Mais nas pancartas podíanse ver numerosas reivindicacións de carácter máis local: Reganosa, as obras do Tren de Alta Velocidade, O Courel, a depuradora de Coruxo...

O humor estivo presente ao longo do percorrido, dende un grupo cómico que pedía o voto para o Bloque Socialista Popular (co logo dos tres partidos ao revés) até carteis co lema de “contra Fraga viviamos mellor”. Xa na praza da Quintana, a plataforma 'Galiza non se vende' fixo público un comunicado no que se piden políticas máis sustentábeis que permitan un desenvolvemento económico respectuoso co medio ambiente.


4,19/5 (47 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: