Edición xeral
Galiza achega a metade do material de primeira necesidade enviado a Cuba polo Estado
A Fundación Axencia Humanitaria, dependente de Relacións Exteriores, xestionou a contribución á Axencia Española de Cooperación Internacional.
A AECID xestiona o envío da axuda
O presidente da Xunta, Emilio Pérez Touriño, felicitouse esta cuarta feira polo esforzo solidario realizado polo noso país con Cuba logo do paso dos furacáns Gustav, Hanna e Ike polo Caribe. Segundo informou, Galiza achegou a metade do material de primeira necesidade enviado polo Estado, converténdose na "única comunidade autónoma que colaborou" neste paquete.
O xefe do Executivo salientou o "esforzo" que supón que case a metade dos catro mil quilos de material de primeira necesidade preparados pola Axencia Española de Cooperación Internacional para o Desenvolvemento (AECID), fose achegada pola Fundación Axencia Humanitaria, dependente da Secretaría Xeral de Relacións Exteriores.
O paquete componse de 54 unidades de kits hixiénicos, 180 unidades de kits de cociña, 720 mantas e 400 lonas. Ademais, no mesmo avión fretado por AECID dende o centro que ten en Panamá, viaxan 17 mil quilos de conservas de peixe, subministradas polo Programa Mundial de Alimentos (PMA) da ONU.
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto