Vieiros

Vieiros de meu Perfil


Edición xeral

RSS de Edición xeral
Pesca

Davila pide medidas ante a proposta de romper os acordos da UE con Mauritania

Na actualidade hai uns 60 buques -a maioría, galegos- faenando nestas augas, nos que traballan perto de medio milleiro de persoas.

Redacción - 13:10 01/09/2008

A deputada do BNG no Congreso Olaia Fernández Davila reclamoulle ao goberno español que impulse iniciativas ante a "inquietude e incerteza" do sector pesqueiro, xeradas pola proposta de ruptura dos acordos da UE e Mauritania logo do recente golpe de estado no país africano.

Nunha iniciativa rexistrada na Cámara Baixa, a deputada nacionalista pregúntalle ao Executivo sobre a súa posición ante a proposta do comisario europeo de Cooperación de pórlle fin ao Acordo de Pesca con Mauritania e transmítelle a "inquietude" do sector.

Segundo recorda Davila, na actualidade hai uns 60 buques -a maioría, galegos- faenando nestas augas, nos que traballan entre 400 e 450 persoas. Xa que logo, Davila cuestiona se o goberno "é consciente da inquietude do sector pesqueiro" e se "vai tomar a iniciativa no seo da Unión Europea" para "promover o restabelecemento da democracia en Mauritania".


0/5 (0 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: