Vieiros

Vieiros de meu Perfil


Edición xeral

RSS de Edición xeral
Venezuela

O ex alcalde de Londres asesorará a candidatos do PSUV en temas urbanísticos

Ken Livingstone reuniuse esta cuarta feira co presidente Hugo Chávez de cara ás eleccións locais do 23 de novembro.

Redacción - 13:00 28/08/2008
Chávez e Livingstone, nunha visita do primeiro a Londres

Chávez e Livingstone, nunha visita do primeiro a Londres

O ex alcalde de Londres Ken Livingstone asesorará os candidatos do Partido Socialista Unido de Venezuela (PSUV) que aspiran a cargos rexionais co fin de axudalos a mellorar o planeamento urbano de Caracas.

Livingstone reuniuse esta cuarta feira con estes -que aspiran a ser alcaldes e gobernadores logo das eleccións do 23 de novembro- e mais co presidente Hugo Chávez, para abordar o tema da rede de transporte urbano e un programa de seguridade urbana.

Os policías comunitarios permitiron en Londres baixar de xeito drástico a criminalidade, e a modernización da rede de autobuses permitiu aumentar na capital inglesa o número de usuarios nun 50%.

Chávez "pediume que continuemos traballando coa fin de utilizar a experiencia que tivemos en Londres para que Caracas se transforme nunha cidade de primeiro mundo", sinalou Livingstone á saída da xuntanza.


3.67/5 (3 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: