Vieiros

Vieiros de meu Perfil


Edición xeral

RSS de Edición xeral
En defensa de catalán, éuscaro e galego

Profesores de diversas universidades do Estado 'maniféstanse' contra o Manifiesto

"Para o nacionalismo lingüístico español a lingua castelá é superior, cómoda, fácil e útil, virtudes todas que son sempre o produto de circunstancias naturais, nunca da imposición e da represión".

Redacción - 13:50 19/07/2008

O xornal español Público publica este sábado un texto asinado por un grupo de catedráticos e profesores de diversas universidade do Estado onde defenden a idea de que o castelán, lonxe de estar en perigo, mantén tales vantaxes sobre o catalán, o galego e o éuscaro que a súa defensa exacerbada só pode ter un móbil ideolóxico.

"Para o nacionalismo lingüístico español a lingua castelá é superior, cómoda, fácil e útil, virtudes todas que son sempre o produto de circunstancias naturais, nunca da imposición e da represión", afirman.

"As linguas dos demais son, pola contra, molestas, arcaicas, antieconómicas e francamente prescindíbeis. Ao tempo que a defensa do castelán se axusta por definición a un pulo democrático, a das restantes linguas responde a espurios e cavernarios intereses marcados por esa felonía que identifica o Manifiesto por la lengua común", consideran.

Carlos Fernández Liria e Montserrat Galcerán, da UCM, Pedro Ibarra, da UPV, Juan Carlos Moreno Cabrera e Carlos Taibo, da UAM, Arcadi Oliveres, da UAB e Jaime Pastor, da UNED asinan o texto.

Poden ler o texto orixinal e íntegro na web do xornal.


4.86/5 (21 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: