Tamara Abalde tamén vai estar en Beixín
A galega forma parte da selección estatal, que se clasificou a sexta feira de mañá para competir por unha medalla nas Olimpíadas deste verán.
Tamara Abalde coa selección estatal
O combinado estatal de baloncesto feminino derrotou, a sexta feira de mañá, a Cuba no preolímpico que se está a desenvolver en Madrid (82-68). Con esta vitoria as mozas de Evaristo Pérez, entre as que se atopa a ferrolá Tamara Abalde, conseguen o pasaporte directo para Beixín 2008.
A galega, que xogou mais non anotou, berraba, ao final do partido "Misión comprida!" e resaltaba que tiñan xogado "moito máis concentradas que o outro día contra Brasil, ante un moi bo equipo como o cubano".
Con Abalde xa son unha ducia exacta os galegos que van participar este verán nas Olimpíadas. Tamén teñen o seu pasaporte olímpico no peto os triatletas Gómez Noya e Raña; os atletas Sandra Aguilar e Santi Pérez; os regatistas Paz e Echávarri; os piragüistas David Cal, Carlos Pérez Rial, Teresa Portela e Sonia Molanes; e o preparador físico da selección estatal de baloncesto masculina, Pepe Casal.
Novas relacionadas
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto