Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
Baloncesto feminino

Abalde xoga esta sexta feira o pasaporte para Beixín 2008

A galega debutou coa selección estatal no Preolímpico. Tras perder contra Brasil, a única oportunidade que lles queda é gañarlle a Cuba. Con ela chegarían a 11 os galegos olímpicos.

Redacción - 11:59 13/06/2008
Tamara Abalde coa selección estatal

Tamara Abalde coa selección estatal

A selección estatal de baloncesto feminino xoga esta sexta feira, ás 12:45 horas, o pasaporte directo para Beixín 2008 ante Cuba, un rival máis do que poderoso.

O combinado estatal, no que se atopa a galega Tamara Abalde, debe pasar este partido de cuartos para conseguir un dos catro pases para as Olimpíadas. As gañadoras dos catro emparellamentos aseguran o seu billete para os XXOO. O quinto pasaporte que pon o torneo preolímpico en xogo disputarase entre os catro restantes, que loitarán pola quinta praza.

A selección estatal ten ao seu favor un ritmo moi alto de xogo, unha defensa asfixiante e un ataque baseado nas transicións que lle podería dar a vitoria ante Cuba. As cubanas, polo seu lado, teñen a Yakelin Plutín, unha das xogadoras máis destacadas do torneo, sobre todo polos seus contraataques.

No caso de pasar a selección, con Abalde xa serían 12 os galegos que han participar nas Olimpíadas de Beixín 2008: os triatletas Gómez Noya e Raña; os atletas Sandra Aguilar e Santi Pérez; os regatistas Paz e Echávarri; os piragüistas David Cal, Carlos Pérez Rial, Teresa Portela e Sonia Molanes; e o preparador físico da selección estatal de baloncesto masculina, Pepe Casal.


4,5/5 (2 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: