Vieiros

Vieiros de meu Perfil


Edición xeral

RSS de Edición xeral
CANDA LEICEAGA E PALMOU

Quintana liderará unha comisión que solicitará no Congreso o traspaso de Tráfico

Todos os grupos parlamentarios aprobaron unha proposición de lei que pode ser clave para o despregamento da Policía Galega.

Redacción - 12:50 08/04/2008
De confirmarse o traspaso, a Garda Civil perdería as súas competencias actuais

De confirmarse o traspaso, a Garda Civil perdería as súas competencias actuais

As tres forzas políticas con representación no Parlamento aprobaron este martes por unanimidade unha proposición de lei para que o Congreso español dea luz verde á transferencia de Tráfico a Galiza. Os deputados tamén votaron a prol de que sexa o vicepresidente Anxo Quintana o que defenda en Madrid o traspaso. Canda el, no parlamento español estarán o socialista Xaquín Fernández Leiceaga e Xesús Palmou (PPdeG).

De prosperar a proposición do Parlamento, Galiza terá todas as competencias en materia de tráfico, circulación de vehículos e seguranza viaria. O goberno español só conservaría a facultade para expedir o permiso de conducir e as matriculacións e transferencia dos vehículos.

O consenso parlamentario foi posíbel logo dunhas negociacións que comezaron o pasado outono. Se o executivo estatal confirma a transferencia, as forzas políticas galegas coidan que sería un paso decisivo para o despregamento da Policía Galega, que asumiría a vixianza nas estradas do país.

Por outro lado, este martes incorporouse ao Parlamento o deputado Miguel Anxo Fernández López, do PSdeG. Fernández substitúe pola circunscrición de Lugo a Margarita Pérez Herraiz.


4/5 (5 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: