Vieiros

Estas xornadas van ter de todo, e nelas poderase coñecer as experiencias das cooperativas e grupos de consumo responsábel do país, así como de consumidores e agricultores da agroecoloxía.

Tamén se vai falar do comercio xusto e a sustentabilidade social e económica que trae parella. Haberá obradoiros de ecoteatro, palestras sobre cociña ecolóxica nos colexios ou sobre as ecoaldeas e a permacultura e sobre autoxestión e ecoloxía nas actividades do día a día.

Tamén un chisco para a música
Ademais das palestras, os obradoiros e os debates abertos, vai haber tempo para a música. Están programados dous concertos: un o día 1 de marzo cos grupos Coanhadeira e Quempallou; e outro o día 8 con Ergom e O Sonoro Maxín.

Terminan o día 14 cunha charla da escritora galega Teresa Moure, quen defenderá o modelo social que propón a agroecoloxía e o compromiso coa natureza.

Pódese consultar o programa enteiro das xornadas (horarios, lugares e actividades) na web Agrourense.info.