Vieiros

Vieiros de meu Perfil


Edición xeral

RSS de Edición xeral
MENTRES PRESENTAN ALEGACIÓNS

Veciños de Aranga tratan de demostrar que Collazo mercou montes comunais

De confirmarse, o magnate do xogo non tería o 51% dos terreos precisos para forzar a controvertida recualificación urbanística.

Redacción - 13:30 20/02/2008

O convenio ao que chegou o Concello de Aranga co empresario Xosé Collazo para recualificar tres millóns de metros cadrados comeza a facer auga. Os veciños afectados polo PXOM cren que é imposíbel que o promotor teña o 51% dos terreos, tal e como afirma, xa que algunhas das parcelas que mercou son monte comunal. Segundo a lexislación, un monte comunal é indivisíbel e non se pode parcelar nin vender.

O xornal La Opinión de A Coruña publica este mércores unha extensa información de elaboración propia na que se sinala que o propio consistorio declarou comunal o monte Santiso en 1941. De confirmarse este extremo, Collazo Mato non podería levar adiante o polígono industrial e as 744 vivendas que pretende construír.

Mentres tanto, os veciños afectados proseguen elaborando as súas alegacións ao PXOM coa colaboración do Sindicato Labrego Galego. A plataforma de afectados tampouco descartou presentar unha denuncia contra o goberno local por ter chegado a un acordo co empresario coruñés de costas a todos os afectados. Para o vindeiro sábado xa se preparan máis mobilizacións contra o plan urbanístico.


5/5 (6 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: