Vieiros

Vieiros de meu Perfil


GZ-Sete

Edición xestionada por Vieiros
RSS de GZ-Sete
En 2º grao penitenciario dende decembro

Tres meses sen os 'tres do Eixo'

O pasado 30 de outubro Simón Márquez, Xosé Moreira e Xesús Montoiro ingresaban na cadea. Noventa días despois nada se sabe do indulto.

F. A. - 12:50 28/01/2008

Xosé Manuel Bocija, secretario da Asociación de Veciños do Eixo, anuncia que nos vindeiros días volveranse facer ver e oír "para que en Madrid non se esquezan dos caso". Aínda que polo momento non haberá novas mobilizacións cidadás, si que pretenden levar a cabo outro tipo de iniciativas "aproveitando o Entroido".

Este martes cúmprense tres meses -case 100 días- do ingreso en prisión de Xosé Moreira, Simón Márquez e Xesús Montoiro, os 'tres do Eixo', e o indulto segue sen chegar.

"Xuntamos despois das festas do Nadal, para analizar con máis calma a situación", afirma Bocija, quen ademais asegura que o obxectivo da asociación nun futuro inmediato é seren recibidos en audiencia por diferente políticos. A poder ser "antes das eleccións, xa que despois pode que sexa máis complicado conseguir o indulto". "Mesmo un cambio de goberno obrigaríanos posibelmente a comezar outra vez de cero", di.

Dende mediados de decembro, os 'tres do Eixo' están incluídos nun réxime penitenciario de 2º grao, e se lles aplica a maiores un artigo especial que permite que só teñan que ir ao cárcere durmir. "Ao principio entraban ás 21.00 horas e marchaban traballar ás 7.00 horas; agora poden chegar ás 23.00 horas", di Bocija. Ademais, pasan as fins de semana fóra da prisión de Teixeiro.

Preguntado pola situación de Márquez, Moreira, e Montoiro dentro da institución penitenciaria, o secretario da Asociación de Veciños do Eixo confesa que o obxectivo principal destes é "pasar desapercibidos, para que ninguén se meta con eles, e non ter problemas".


Ligazóns

5/5 (7 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: