Vieiros

Vieiros de meu Perfil


GZ-Sete

Edición xestionada por Vieiros
RSS de GZ-Sete
Os 'tres do Eixo'

Rexeitamento do MpDC á postura do Sindicato Unificado de Policía contra o indulto

O colectivo policial censurou estes días o alcalde de Compostela por terse posicionado a prol da excarceración dos veciños.

Redacción - 18:20 26/12/2007

O Movemento polos Dereitos Civís (MpDC) manifestou o seu rexeitamento polas declaracións do Sindicato Unificado da Policía (SUP), onde censuraban o alcalde de Compostela, Xosé Sánchez Bugallo, por se posicionar a prol do indulto para os 'tres do Eixo', os veciños condenados por agredir a un axente.

"O colectivo demostra que está a actuar dun xeito corporativista, na defensa dunha sentenza acaecida logo dunha investigación chea de baldeiros e contradicións nas declaracións policiais", sinalan dende o MpDC.

Ademais, afirman que o argumento do SUP baseado en que os veciños "non pediron desculpas ao axente ferido" e que o indulto suporía "un grave precedente" é incoherente.

Segundo o MpDC, no ano 2005, o Ministerio español de Xustiza concedeulles o indulto a catro policías locais de Vigo, logo dunha sentenza en firme, por deter e agredir a un cidadán senegalés sen motivos xustificados e "aínda así, non lle pediron nin perdón nin desculpas" ao agredido.

Tampouco o SUP daquelas, din dende o MpDC, se posicionaron daquelas en contra do indulto para estes axentes, que actualmente seguen a desempeñar o seu traballo no concello vigués.


5/5 (10 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: