Vieiros

O presidente estadounidense, George Bush, sinalou este martes que Irán "foi, é e será perigosa" se desenvolve o seu programa de enriquecemento de uranio.

Nunha conferencia de prensa na Casa Branca, Bush referiuse ao informe da intelixencia estadounidense (National Intelligence Estimates, NIE) difundido o luns en Estados Unidos. Este afirmaba que Irán paralizara o seu programa nuclear en 2003, mais Bush asegurou que lle deron esta información "a semana pasada".

Xa que logo, apuntou que non tiña coñecemento do estudo cando advertiu, en outubro pasado, de que se a comunidade internacional quería evitar unha III Guerra Mundial tiña que impedir o desenvolvemento do programa nuclear iraniano.

Porén, considerou que o informe non é unha razón para deixar de exercer presión diplomática sobre Irán, porque unha das conclusións que se deducen do estudo é que a estratexia que seguiu EUA "foi efectiva".