Vieiros

Vieiros de meu Perfil


Edición xeral

RSS de Edición xeral
Adega publica unha análise da situación

Co 90% dos caudais contaminados, chega o "tempo dos ríos"

Unha "nova cultura da auga" é necesaria para controlar a degradación dos ríos, segundo defende o volume "O Tempo dos ríos", coordinado pola Asociación para a Defensa Ecolóxica de Galiza.

Redacción/EP - 15:15 14/03/2007

Os principais problemas dos ríos galegos son desde os anos 90 "a contaminación" e as actuacións "arbitrarias" e en función de "intereses hidroeléctricos", explicou Manuel Soto, membro de Adega e coordinador desta obra. Soto laiouse de que en décadas recentes a sociedade viva "de costas" aos ríos.

O proxecto inclúe as reflexións de preto de dúas ducias de expertos relacionados con seis universidades, tanto de Galiza, coma de Portugal e do resto do Estado, e representantes de varios colectivos ecoloxistas e cidadáns que veñen loitando nos últimos anos contra as agresións aos ríos.

O libro inclúe catro apartados: O conflito social, ambiental e cultural da auga hoxe; A calidade das augas subterráneas, fluviais e costeiras de Galiza; A planificación hidrolóxica na Galiza, e A problemática ambiental e social en diversos ríos e a sobreexplotación hidroeléctrica. O prólogo fíxoo Xavier Castroviejo, quen fora director da Estación Biolóxica de Doñana e presidente do comité estatal do Programa Home e Biosfera.

Durante a presentación da obra este mércores en Santiago, o tamén coordinador e co-autor da obra, Javier Martínez Gil, catedrático de Hidroloxía da Universidade de Zaragoza, defendeu que á hora de analizar o estado dos ríos ademais dun "discurso científico" é tamén necesario "un discurso emotivo". Na súa opinión, o concepto de "nova cultura da auga" quere chamar a atención sobre a condición dos ríos como "patrimonio da memoria e da identidade" e buscar un punto de equilibrio entre o uso e o abuso das canles fluviais.


Ligazóns

5/5 (1 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: