Vieiros

Que nos achega a reflexión teolóxica de Queiruga?

Escribo o sábado 13 de xuño pola tarde. O luns día 15 reunirase a comisión episcopal da doutrina da fe presidida polo arcebispo de Granada don Javier Martínez –xunto con 9 bispos máis- e o “secretario técnico” José Rico Pavés e disque quitarán adiante un documento que levará por título algo semellante a “Nota aclaratoria sobre algunhas obras del Profesor Andrés Torres Queiruga” na que se cuestionarán moitos aspectos da súa teoloxía e dirase que se fai para que o Pobo de Deus non sexa confundido etc... Recoñecerase, seguramente, a “boa intención” do autor en tratar de presentar a mensaxe cristiá dun xeito positivo e actualizado,pero dirase que, aínda sendo bo o intento, as consecuencias son negativas para a Igrexa dado que non é fiel ao Maxisterio, que rompe coa Tradición, co “depósito da Fe”... E todo isto dirase sen utilizar a palabra “condena”.