Vieiros

As Farc- EP anuncian liberación de tres retidos en recoñecemento polo labor do presidente Chávez

As Fuerzas Armadas Revolucionarias de Colombia - Ejército del Pueblo (Farc-Ep) anunciaron a liberación de Clara Rojas, o seu fillo Enmanuel e Consuelo González, quen serían entregados ao presidente venezuelano, Hugo Chávez, ou a quen el decida. Clara Rojas, formaba parte do partido de Ingrid Betancourt e ía na súa candidatura á presidencia de Colombia como vicepresidenta. Foi secuestrada xunto con ela en 2002 mentres se dirixían en campaña electoral cara a San Vicente del Caguán en plena ruptura do proceso de paz co goberno de Andrés Pastrana. O seu fillo Emmanuel, de tres anos, naceu en cativerio. Outra das liberadas é a ex congresista colombiana, Consuelo González, secuestrada en 2001 cando viaxaba no seu automóbil entre Pitalito e Neiva.