Vieiros

Vieiros de meu Perfil


Canal Verde

Xestionado pola Federación Ecoloxista Galega e Vieiros
RSS de Canal Verde
Acto de entrega

Núñez Feijoo: "Somos a primeira comunidade autónoma do mundo en número de bandeiras azuis"

"Como ocorre coas nosas catedrais, montes e cascos históricos" os galegos "rebelámonos contra o inmobilismo", afirmou o presidente da Xunta.

Redacción - 10:45 04/07/2010

O presidente da Xunta, Alberto Núñez Feijoo, destacou este sábado que Galiza é a "primeira comunidade autónoma do mundo en número de bandeiras azuis" pola cifra de portos e areais galardoados.

Así o asegurou no acto de entrega de Bandeiras Azuis 2010, onde incidiu en que a repartición das destas bandeiras "non entende de signos políticos", aínda que "esconde detrás siglas, militantes e unhas cores definidas". "Falo de Galiza e das cores azuis e verde que os visitantes asocian a esta terra", puntualizou.

"Aquí celebramos o que somos e alimentamos o que queremos ser", afirmou o xefe do Executivo, que incidiu nesta "historia costeira que hoxe recoñecemos con 132 bandeiras azuis". "Como ocorre coas nosas catedrais, montes e cascos históricos" os galegos "rebelámonos contra o inmobilismo", engadiu.

Para Feijoo, a "boa saúde" das nosas praias e portos é "un grande éxito colectivo" e unha "gran lección para algúns retos do futuro". "Galiza é unha das costas máis atractivas de Europa e sen dúbida do mundo", sinalou.

Ademais, apuntou que as bandeiras azuis concedidas supoñen "un ingrediente de importancia infinita", non só para "xeneralizar responsabilidade ambiental", senón tamén para "preservar o turismo ante a actual debilidade da demanda".


Anteriores:


1/5 (6 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: