Vieiros

A empresa dezá Montoto está na corda bamba. O peor dos escenarios posíbeis é un peche que implicaría a perda de 130 postos de traballo directos. O conselleiro de Economía e Industria, Javier Guerra, entrevistouse este mércores cos traballadores afectados e estivo acompañado do empresario local Florentino Cacheda, que está interesado na adquisición, canda un grupo de patróns do têxtil galego.

Guerra debullou os atrancos que hai para unha compra: “Hai que ter en conta todos os aspectos xurídicos relacionados co levantamento do concurso, o volume de débeda acumulada pola mala xestión da compañía e as fórmulas para recuperar a carga de traballo de Montoto”.

O conselleiro subliñou que a consellaría apoiará unha solución que se traduza no mantemento dos postos de traballo. Así afirmou que agora ábrese un proceso de contactos cos administradores xudiciais e coas entidades financieiras que se levará a cabo “coa maior celeridade posíbel”. Tamén garantiu avais e axudas para asegurar a viabilidade em caso dun acordo.