Vieiros

As alarmas económicas saltan noutro estado da Unión Europea, neste caso en Hungría. Un voceiro do novo goberno conservador, que chegou ao poder hai escasas semanas, asegurou de que a situación económica que atravesa o país é "moi grave" e que existen datos de que o anterior executivo manipulou datos sobre a situación real, tal e como sucedeu en Grecia.

O voceiro do goberno, Péter Szíjjártó, asegurou que haberá que tomar medidas de urxencia "para non seguir o camiño de Grecia". As propostas pasan por unha redución de impostos para "fomentar a competitividade", así como drásticos recortes do gasto público.

Hungría forma parte da Unión Europea dende 2004. Con perto de 10 millóns de habitantes, o país mantén a súa moeda propia (o florín húngaro).