Vieiros

Vieiros de meu Perfil


Edición xeral

RSS de Edición xeral
Asalto israelía á Frota da Liberdade

A OTAN pide a liberación inmediata dos detidos

Os 28 países membros do Consello Atlántico foron un pouco máis aló que Nacións Unidas na súa condena.

Redacción - 17:30 01/06/2010

O secretario xeral da OTAN, Anders Fogh Rasmussen instou a Israel a liberar "inmediatamente" os civís e os barcos que continúan detidos logo do ataque á Frota da Liberdade en Gaza, segundo un comunicado feito público este martes pola tarde.

Os 28 países membros do Consello Atlántico, nunha reunión extraordinaria a nivel de embaixadores, convocada de urxencia no cuartel da Alianza en Bruxelas a petición de Turquía, foron un pouco máis aló que Nacións Unidas.

"Dou o meu sincero pésame ás familias de todas as vítimas e condeno os actos que conduciron a esta traxedia", sinalou o máximo responsábel da OTAN. Recep Tayyip Erdogan, primeiro ministro de Turquía, país membro da OTAN, afirmara este luns que a interceptación militar da frota vulneraba "os principios do dereito internacional" e era "un inhumano terrorismo de Estado".

Comunicado da UE
Os 27 embaixadores da UE, durante catro horas de xuntanza este luns, elaboraron un comunicado de condena da "operación militar israelí en augas internacionais", e reclaman ás autoridades israelís "unha investigación inmediata, completa e imparcial" do ocorrido, así como asistencia consular para os europeos afectados.


0/5 (0 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: