Vieiros

A fin de semana de transición entre os meses de abril e de maio ten como protagonista, no eido musical, o Festival do Norte, que ten lugar este venres e sábado no recinto feiral de Vilagarcía de Arousa

O cartel definitivo conta coa presenza, o venres, de Nada Surf, Fanfarlo, We Are Standard, Dorian e Munich no escenario Estrella Galicia; de Klaus & Kinski, Hola a todo el mundo e Emilio José no escenario Caixanova, e de Clovis DJ's e DJ Lagartija no FDN Dance Club.

O programa complétase o sábado 1 con Los Planetas, Pete & The Pirates, El Guincho, JJ e Nudozurdo no Estrella Galicia; La Bien Querida, Los Punsetes e Carrero Bianco no Caixanova, e DJ Polar e DJ Poti no FDN Dance Club.

Pero este venres hai tamén un importante evento no país, que xa se está a converter nunha cita anual. Cunha oferta ben complementaria á do Festival do Norte, a orquestra Panorama organiza no campo da feira de Ordes a Gala contra o Cancro. Estarán acompañados no escenario por artistas como Isabel Pantoja, Sergio Dalma, Kate Ryan, Carlos Baute, Tamara, Soraya, Seguridad Social, Santa Fe, Melocos e Juan Magán.

Pero a sexta feira hai máis concertos no país: A Tuna Rastafari e Verbena Son estarán no Porriño, no Bar Liceum; Cats & Monkeys na sala Aturuxo, de Bueu; Brainstorming no Run Rum, de Ferrol; Álvaro Muras, en Vedra; Desakato e La Desidia en Le Club, na Coruña; In Verno, To Nowhere e Rojo Dos, na Fábrica de Chocolate de Vigo; Jackelberrys, na sala El Canalla, en Sada. Ademais, tamén o venres, Joan Manuel Serrat actuará no Pazo da Cultura de Pontevedra, Kokusyoku Sumire no MARCO de Vigo e Zenet no Teatro Jofre de Ferrol.

Xa o sábado, 1 de maio, estará no Liceum do Porriño Pressing Bras; na Fábrica de Chocolate de Vigo, Donatore di Groove; The Real McKenzies e Agoraphobia, na Filomatic, da Coruña; Electric Riders e Funk'n Bastards, na Artefacto de Bueu; The Masons, no Mondo Club de Vigo; Nocheni, na sala Ardora de Porto do Son; Skarallaos, no centro cívico de Palavea, na Coruña; Zenet no Café Cultural Auriense, en Ourense, e Odaiko, no Teatro Rosalía de Castro da Coruña.

Tamén o sábado, terá lugar en Lugo un Concerto pola Lingua organizado pola deputación. Actuarán, na praza de Santa María, os Tres Trebóns, Mercedes Peón e Emilio Rúa. Será ás 20 horas.

O domingo 2 completan as previsións desta fin de semana Joan Manuel Serrat, no Pazo de Congresos de Compostela, Alva Noto, en ExpoCoruña; The Real McKenzies, na Iguana Club de Vigo; África Gallego, na Aturuxo de Bueu, e Tetra & Freek e Feca, na Sala Nasa de Compostela.