Vieiros

Vieiros de meu Perfil


Edición xeral

RSS de Edición xeral
EN COMPOSTELA

Milleiros de persoas saen á rúa contra a privatización dos servizos públicos

Os manifestantes critican que o novo goberno estea a dar pasos que precarizan o sistema social de benestar.

Redacción - 13:15 25/04/2010

Un ano despois da volta do PPdeG ao Goberno hai graves retrocesos no servizos públicos e está aberta a porta á entrada de capital privado en campos nos que o até o de agora de mantiña afastado. Esta é a opinión de diversas forzas políticas e sindicais que este domingo saíron ás rúas de Compostela baixo o lema de “En defensa dos servizos públicos”. Na manifestación, que partiu pouco despois do mediodía da Alameda e discorreu por boa parte da cidade participaron varios milleiros de persoas.

Durante o percorrido, no que imperou a protestas festiva, houbo cánticos críticos co presidente da Xunta e peticións de dimisión da conselleira de Traballo e Benestar, Beatriz Mato, ou da de Sanidade, Pilar Farjas. Nos cartaces dos manifestantes non faltaron alusións ao desmantelamento das oficinas de Igualdade e Benestar, á privatización de centros da terceira idade, á supresión de servizos agrarios ou a construción de novos hospitais mediante acordos con empresas privadas.

A mobilización estaba convocada pola Plataforma en Defensa dos Servizos Sociais, CIG, BNG, SLG, FRUGA, AS-PG e Nova Escola Galega. Aínda que nun principio tamén estaba apoiada por Esquerda Unida, esta formación política desvinculouse poucos días antes ao discordar con aspectos da organización do evento.


5/5 (15 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: