Vieiros

A firma de capital risco británica CVC Capital Partners mercou o 35% de R por 236 millóns de euros. O 65% restante da compañía queda en mans de Caixanova, que só lle vendeu unha moi pequena parte da súa participación a CVC. Dende a compañía defenden que se trata dunha boa nova xa que supón unha inxección de liquidez para a estrutura propia e que todos os centros de decisión permanecerán en Galiza.

CVC merca todas as accións de Inversiones Gallegas de Cable (10,24%), Banco Pastor (9,91%), Cable Total (9,72%), Emalcsa (1,89%), Faro de Vigo (1,54%) e Inversiones Telecom Galicia (0,28%).