Vieiros

Non é a primeira vez nas últimas semanas que o Banco de España defende teses similares. Este martes botou man dun informe onde analiza a evolución concreta de setecentas empresas para avalar que o freo aos salarios e o abaratamento de despedimento son receita para combater o desemprego.

Segundo o organismo, as empresas que recortaron soldo a seus traballadores durante o último ano non realizaron despedimentos. No seu boletín trimestral insiste ademais a entidade en apoiar as argumentacións da patronal a prol dun modelo único de contrato que mingüe a indemnización por despedimento improcedente.

As teorías do Banco de España, que chegan no medio dos contactos cara á reforma laboral, son duramente criticadas polos sindicatos, desde onde lle reclaman á institución presidida por Miguel Ángel Fernández Ordóñez que deixe de interferir no diálogo social e centre os esforzos en recompoñer o sistema financeiro e garantirlle liquidez ás pemes.

Para ampliar:

• No Cinco Días: O Banco de España insta a abaratar o despedimento cun contrato único
• En Expansión: O Banco de España, menos optimista