Vieiros

A cúpula da entidade convoca reunión de urxencia. Sobre a mesa un tema único: rachar a inmobilidade do debate nas últimas horas ao respecto do futuro das caixas. Segundo puido saber Vieiros, as reunións entre representantes das dúas entidades galegas non conseguiron punto de encontro ningún e as posicións seguen inflexíbeis. Caixa Galicia decide así un ultimato: se esta fin de semana non hai avance, acelerase o acordo con Caja Madrid. Recordámoslles que neste caso trataríase dun chanzo inicial a través da fórmula do Sistema Institucional de Protección (SIP) que desembocaría nunha fusión que, na práctica, se trataría da absorción de Caixa Galicia por parte da entidade madrileña.

Fontes consultadas cualifican a situación dun movemento máis á desesperada do grupo de Méndez na entidade, que desde o primeiro momento tería como prioridade a carta do pacto con Caja Madrid como oportunidade para manter cota de poder cando Caixa Galicia fose absorbida. O calendario xoga tamén en contra de Méndez: a inminencia da presentación das contas en poucos días ofrece pouca marxe para maquillaxes contábeis.