Vieiros

Vieiros de meu Perfil


Edición xeral

RSS de Edición xeral
Manifestacións nas principais cidades

Máis de 30 mil persoas á rúa en defensa das pensións

A marcha máis multitudinaria foi a da Coruña onde, segundo CCOO e UXT, se xuntaron unhas 11 mil persoas.

Redacción - 09:50 03/03/2010

“En defensa das pensións, non ao atraso na xubilación”. Este foi o lema baixo o que se manifestaron Comisións Obreiras (CCOO) e UXT na noite do martes nas cidades de Vigo, A Coruña, Lugo Ourense e Vilagarcía de Arousa.

A protesta máis concorrida foi a da Coruña, onde os sindicatos cifraron a participación en 11 mil persoas (a Policía Local rebaixou a cifra até os 7.500). Os secretarios xerais en Galiza de ambas formacións sindicais, Xosé Manuel Sánchez Aguión (CCOO) e Xosé Antonio Gómez (UXT), encabezaron a marcha. O primeiro afirmou que o obxectivo é “amosar a nosa rotunda oposición ao atraso da xubilación”, unha medida que cualificou de “inxusta, insolidaria e innecesaria”. Pola súa parte, o líder de UXT considerou a proposta “unha clara ameaza contra o sistema de benestar”.

Xa en Vigo, a manifestación estivo liderada polos responsábeis sindicais comarcais, Xosé Cancelle (CCOO) e Antonio Xuste (UXT), quen cifraron a participación en 10 mil persoas (cinco mil, segundo a Policía). En Lugo déronse cita outras 700 persoas, que provocaron retencións de tráfico na Ronda da Muralla e o casco histórico. En Vilagarcía acudiron outras 600 persoas e en Ourense manifestáronse outras 500.

Máis información nas webs dos sindicatos:

  • Clamor da cidadanía en defensa do sistema público de pensións (UXT)
  • En defensa das pensións e contra o atraso da idade de xubilación (CCOO)


5/5 (2 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: