Vieiros

Vieiros de meu Perfil


Edición xeral

RSS de Edición xeral
ACURRALADO POLA CRISE

Zapatero pretende sacar adiante unha reforma laboral consensuada

O presidente do goberno español reuniuse este venres con patronal e sindicatos para instalos a chegar a un acordo urxente.

Redacción - 20:12 05/02/2010

Abaratarase o despedimento? A incógnita queda no ar logo dunha xuntanza extraordinaria entre o presidente do goberno español e os principais axentes sociais estatais. Todas as partes comprometéronse con Rodríguez Zapatero a establecer unha negociación a varias bandas para tratar de facer unha reforma laboral consensuada de xeito urxente.

Cunha taxa de paro próxima ao 19%, o executivo estatal intenta que o acordo sirva para crear emprego e reducir a temporalidade. Aínda que diferentes medios deron por feito ao longo deste venres un abaratamento do despedimento (chegouse a afirmar de que pasaría dos 45 días de indemnización por ano traballado a 33), os representantes de UXT e CC.OO aseguraron ao remate do encontro que no texto que lles facilitou Zapatero non se contempla explicitamente ningunha reducción deste tipo. Segundo explicaron estas fontes sindicais, os plans do executivo pasarían por optimizar o marco laboral actual.

Na reunión tamén houbo un espazo para a proposta do goberno de aumentar a 67 anos a idade de xubilación. Neste sentido, Zapatero afirmou, segundo os sindicatos, que a reforma só sairía adiante se contaba cun amplo apoio social e político. Mentres os representantes dos traballadores reiteraron a súa oposición á ampliación da idade de retiro, a patronal mostrou o seu apoio ao executivo.


3/5 (2 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: