Vieiros

As provincias de Ourense e Lugo seguiron en alerta laranxa por mor das baixas temperaturas que chegaron ao longo deste domingo aos dez graos baixo cero nas zonas máis montañosas. Na Coruña e Pontevedra a alerta é amarela e as temperaturas máis baixas repetiranse nas comarcas do interior onde o termómetro andivo arredor dos catro graos baixo cero.

O principal problema logo destes días de neve está a ser o xeo que complica a circulación nas estradas secundarias. Porén, dende Meteogalicia confirman que as temperaturas comezarán a subir considerablemente nas vindeiras horas. De feito, para a xornada do luns agárdase que non haxa temperaturas baixo cero.

Mais o rigor do inverno vai continuar durante a semana. Os meteorólogos prognostican importantes precipitacións e fortes ventos a partir do vindeiro martes.

• Meteogalicia

• Dirección Xeral de Tráfico