Vieiros

Vieiros de meu Perfil


Edición xeral

RSS de Edición xeral
DISTINCIÓNS

Manuel Rivas, Gervasio Sánchez e Karen Marón, premios Portapaz

O Seminario Galego de Educación para a Paz salienta o seu labor na defensa dos valores cívicos.

Redacción - 15:45 05/01/2010
Tags: paz premios

O escritor e xornalista coruñés Manuel Rivas, o fotoxornalista cordobés Gervasio Sánchez, e a xornalista arxentina Karen Marón recibiran os premios Portapaz, que organiza o Seminario Galego de Educación para a Paz. O colectivo salienta que as tres distincións recoñecen “a defensa e promoción de valores cívicos e democráticos, de dereitos humanos e de cultura da paz”.

O acto de entrega terá lugar o vindeiro 29 de xaneiro na Fundación Caixa Galicia de Santiago de Compostela. A entidade tamén vai celebrar ás 11.30 horas desa xornada un acto conmemorativo na Horta da Paz, da Casa Rosalía de Castro, en Padrón. O Seminario ten previsto que participen na xornada escolares da comarca.

A partir da vindeira semana o Seminario tamén porá a disposición do profesorado unha unidade didáctica titulada 'Sobre dereitos e responsabilidades de nenas, nenos e adolescentes'. O documento, que quere conmemorar a morte de Gandhi, poderá descargarse na súa páxina electrónica.


4/5 (12 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: