Vieiros

Vieiros de meu Perfil


Edición xeral

RSS de Edición xeral
GALARDÓNS 2009

Adega premia a Plataforma pola Defensa da Ría de Arousa e o ex alcalde da Veiga

O colectivo ecoloxista túrralle das orellas concedéndolle a distinción de Dioxina aos líderes mundiais, a Fernández de Sousa e á conselleira Rosa Quintana.

Redacción - 18:30 29/12/2009
Tags: Adega premios

Adega xa ten claro quen merece os aplausos e quen os apupos en 2009. Así, o colectivo ecoloxista decidiu concederlle os premios Osíxeno á Plataforma pola Defensa da Ría de Arousa e ao ex alcalde da Veiga Fernando Fernández Yáñez. Tamén gaba a traxectoria de Isaac Díaz Pardo dándolle o premio de honra polo compromiso co país e coa cultura.

No outro extremo, os premios Dioxina son para os líderes mundiais, logo do fracaso da xuntanza de Copenhagen; para o presidente de Pescanova, Manuel Fernández de Sousa; e para a conselleira do Mar, Rosa Quintana.

Os premios entregaranse no decurso dun xantar que terá lugar o vindeiro sábado 9 de xaneiro, ás 14 horas, no coñecido restaurante “O Dezaseis” de Compostela.

Poden ver aquí na páxina de Adega a xustificación de cada premio.


4.2/5 (5 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: