Vieiros

Dende a plataforma Sei o que nos figestes nos últimos 500 anos propoñen un nadal alternativo. Unha convocatoria a prol da apostasía antes do 25 de decembro argallada polo artista Marcos Payno. Aínda que o seu blog cualifica a iniciativa como "un sucesso tanto pola quantidade quanto pola qualidade humana d@s assistentes", o certo é que ao final só foron tres as persoas que se sumaron á proposta: Carlos Quiroga, Suso Sanmartin e Erika Seven. Aínda así, o prazo dado fora só de 40 horas.

O colectivo convocante rescatou o impreso de declaración de apostasía elaborado hai anos pola Via Anti-Colonial Activa (VA-CA) para que quen o desexe se sume á campaña, aínda que xa sexa fóra de prazo. Segundo informan, todo discorreu con total normalidade, e apuntan que se pode apostatar aínda que se estivese bautizado noutra diocese.