Vieiros

Vieiros de meu Perfil


Edición xeral

RSS de Edición xeral
Este Nadal

Amnistía convídate a regalar palabras

O colectivo anima a escribirlle a Nguyen Van Ly (Vietnam), Anwar Al-Bunni (Siria) e Ronak Safazadeh (Irán), presos por exercer pacificamente o seu dereito a pensar.

Redacción - 12:30 23/12/2009

"As túas palabras poden axudar moito". Sublíñao Amnistía Internacional aproveitando estes días de Nadal. Un tempo que, recordan, "non se distingue doutros para os presos e presas de conciencia, pero pode chegar a ser particularmente triste".

Por este motivo, e para inxectarlles ánimos, chaman a agasallalos con "palabras de solidariedade. "Ao recibiren estes mensaxes, se cadra nun idioma que non comprendan, saberán que a inxustiza que os apreixa é coñecida, e iso daralles un enorme apoio moral". Do mesmo xeito, as mensaxes serven para que as autoridades responsábeis saiban que "as vítimas están sendo apoiadas por moita xente en todo o mundo".  

De xeito concreto, a iniciativa convida este Nadal a escribirlle a: o Padre Nguyen Van Ly (Vietnam), crego católico cofundador do movemento pro democracia Bloc 8406 e fundador dun partido político opositor; ao avogado sirio Anwar Al-Bunni, especializado na defensa de presos de conciencia e condenado a cinco anos de cárcere acusado de "difundir información falsa que prexudica o Estado", na práctica por criticar os malos tratos que causaron a morte dunha persoa baixo custodia da policía; e á activista curda iraniana Ronak Safazadeh, condenada en 2008 pasado a seis anos de prisión logo de ser acusada de "inimizade con Deus".

Regálalles palabras.


3/5 (2 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: