Vieiros

Vieiros de meu Perfil


Edición xeral

RSS de Edición xeral
MENTRES BAIXA EN TODO O ESTADO

En Galiza, o prezo do aluguer segue subindo

Segundo os datos dun portal inmobiliario, os galegos pagamos un 4,6% máis polo arrendamento da vivenda dende que comezara o ano.

Redacción - 14:05 18/12/2009

O custe da vivenda en aluguer increméntase en Galiza mentres descende no Estado Español. A crise da construción, o mal momento do mercado inmobiliario e o contexto económico non semellan afectar os propietarios galegos que, dende que comezara o ano, reciben un 4,6% máis polo arrendamento dos seus pisos.

Así o desvela un estudo dun portal inmobiliario (facilísimo.com), quen tamén recolle a tendencia de continuada caída de prezos no Estado Español que chega até o 4,8%. Aínda máis, no que vai de ano, Galiza liderou o incremento do prezo do aluguer, é dicir, foi a comunidade autónoma na que máis medrou: descendeu en todas as comunidades autónomas, agás Galiza, Canarias (+2,4%) e Asturias (+1,9%).

Con respecto ás cotizacións, Estremadura é onde máis barato resulta arrendar unha vivenda, cunha media de 4,5 euros por metro cadrado. No extremo oposto, Euskadi é onde resulta máis caro, cun desembolso de 10,8 euros por metro cadrado. En Galiza, o prezo sitúase en 6,3 euros euros.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: