Vieiros

Vieiros de meu Perfil


Edición xeral

RSS de Edición xeral
Compañía téxtil fundada en Lalín en 1983

CC.OO alerta do traslado de Toypes á China, mais a empresa négao

O sindicato denuncia que os novos propietarios pretenden levar a produción ao país asiático. Os operarios manifestáronse este luns.

Redacción - 10:00 17/11/2009

CC.OO denunciou este luns que os novos propietarios da empresa téxtil Toypes, Gutsen & Vergelsa, proxecta trasladar á China a produción desta factoría, fundada en 1983 en Lalín (Deza), para o deseño e confección de moda feminina.

"Temémonos que aquí o único que importa é a marca, e o que se persegue é o peche da empresa para levar a produción a China" sinalou o seu secretario comarcal, Xosé Luís García Pedrosa, informa Europa Press.

CC.OO considera que é un caso claro de "deslocalización" dunha empresa, que suporía o peche da fábrica de Lalín e o despedimento dos seus 63 empregados. Precisamente, este mesmo luns, os traballadores afectados polo ERE temporal manifestáronse para reclamar o pagamento das nóminas pendentes.

No entanto, fontes da empresa consultadas por este xornal negan que isto sexa así, e recoñecen que "non quedará a totalidade do persoal laboral", tal e como se lles comunicou aos sindicatos cando se negociou o plan de pagamento dos salarios atrasados. Estes, afirman, comezaranse a pagar a partir do 27 de novembro.


0/5 (0 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: