Vieiros

Vieiros de meu Perfil


Galego.org

Xestionado por Vieiros
RSS de Galego.org
"Penalización" a quen "aposta" polo galego

"Por que a Xunta retira axudas á Asociación de Escritores en Lingua Galega?"

O BNG preguntaralle ao Executivo no Parlamento pola decisión de Xuventude de non axudar no financiamento do IV Encontro de Novos Escritores 'Eu ou Nós'.

Redacción - 11:15 14/11/2009

O BNG exixirá explicacións no Parlamento pola decisión da Dirección Xeral de Xuventude de retirar axudas á Asociación de Escritores en Lingua Galega (AELG) para a organización do IV Encontro de Nov@s Escritor@s 'Eu ou Nós'.

Así o confirmou a portavoz parlamentaria de Cultura do BNG, Ana Pontón, que recordou nun comunicado que esta iniciativa contou "desde a súa primeira edición" co apoio do Goberno ao entender que constitúe un evento que "potencia" o traballo da mocidade no ámbito cultural.

Por iso, reprobou o "cambio de criterio" da Xunta sen que exista "ningún tipo de xustificación" e interpretou a decisión como "unha mostra máis da falta de apoio" do Executivo do PPdeG á mocidade e de "penalización" a quen "aposta" pola literatura galega.

"Feijoo terá que dar explicacións por este comportamento sectario", advertiu Pontón e demandou unha "rectificación" posto que, ao seu xuízo, "retirar" estas axudas é "o contrario do que faría calquera Goberno normal".


5/5 (13 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: