Vieiros

Vieiros de meu Perfil


Canal Verde

Xestionado pola Federación Ecoloxista Galega e Vieiros
RSS de Canal Verde
actividade aberta

O CES organiza unha andaina pola costa de Con Negro

O Colectivo Ecoloxista do Salnés organiza o sábado 31 de Outubro, unha andaina por un tramo da costa da península de O Grove, na parroquia de San Vicente. A ruta terá comezo no aparcadoiro de Con Negro, ás 10 da mañá. Terá unha duración de aproximadamente 3 horas e rematará na zona do Carreiro. Esta andaina é de balde e está aberta a todo o público que queira disfrutar das vistas e que veña cun calzado apropiado para camiñar.

Colectivo Ecoloxista do Salnés (CES) - 13:20 30/10/2009

  Esta actividade está encadrada dentro da serie "Actividades abertas" que o colectivo leva organizando dende fai 10 anos cunha periodicidade mensual. O obxectivo xeral destas actividades é dar a coñecer aos veciños do Salnés os valores naturais e patrimoniais da nosa comarca, coa finalidade de lograr un maior respeto por eles.

A actividade de mañá ten o obxectivo específico de disfrutar dun dos tramos costeiros cunha paisaxe aínda natural e de alto valor. Neste tramo estase a proxectar, dende a Delegación provincial de Costas e o Concello de O Grove un paseo marítimo, ampliando a pasarela de madeira de Pedras Negras. O CES considera que esta actuación rompería a harmonía desta paisaxe. Nunha comarca coma o Salnés, e concretamente no Grove, é preciso preservar certas zonas da pegada humana, actuando coma zonas onde tanto os veciños coma os turistas poidan contemplar un anaco de natureza case intocado. Temos que recordar que esta zona xa é accesible a través de sendeiros que permiten o paseo de todos aqueles que queiran gozalo, polo que non creemos que unha estructura artificial como é a pasarela sexa nin necesaria nin apropiada para a conservación da paisaxe.

Esta zona, ademais está dentro dos límites do LIC Ons-O Grove, espazo protexido polos seus valores naturais.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: