Vieiros

Vieiros de meu Perfil


Euskadi

Edición xestionada por Vieiros
RSS de Euskadi
Colaborador de Vieiros

Dani Álvarez moderará o novo programa de debate da ETB

O novo goberno de Euskadi remodelou os servizos informativos, apartando catro profesionais de diante das cámaras.

Redacción - 09:30 28/09/2009
Dani Álvarez

Dani Álvarez

A televisión pública vasca, Euskal Telebista, estrea esta segunda feira un novo espazo de información e debate. Plató 2.0 emitirase a partir das once da noite na canle en castelán, ETB2, e estará presentado e moderado por Dani Álvarez, colaborador de Vieiros.

O programa arrinca cunha entrevista á presidenta do parlamento vasco, Arantza Quiroga, a cargo dos xornalistas Germán Yanke, de Estrella Digital; Ana Garbati, do Periódico de Catalunya, e Miren Ibáñez, do Diario de Noticias de Araba.

A segunda parte será un debate sobre a actualidade política vasca, con temas como o Alderdi Eguna, a exhibición de fotos de presos en actos públicos ou o concerto económico. Nesa sección intervirán, ademais de Yanke, Garbati e Ibáñez, Martxelo Otamendi, de Berria; Juan Mari Gastaca, de El País, e Carmen Gurruchaga, de La Razón.

Remodelación dos informativos
Por outra banda, o novo goberno de Euskadi, formado por socialistas e populares, tamén provocou, este luns, a desaparición de catro dos rostros máis populares da emisora, que se encargaban de presentar os seus informativos. Juan Carlos Etxeberría, Maddalen Iriarte, Maribel Aizarna e Ainhoa Larretxea abandonarán os seus postos para dedicarse a outros labores xornalísticos. Ademais, as tres últimas presentadoras formaban parte do equipo dos informativos en éuscaro de ETB1.


4.22/5 (9 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: