Vieiros

A conselleira de Facenda, Marta Fernández Curras, referiuse este domingo á posíbel fusión das caixas galegas. Nunha entrevista concedidaq aa Europa Press, Fernández Currás sinalou que, aínda que Caixa Galicia e Caixanova son “grandes abondo para viviren por separado”, sería “unha pena” desperdiciar o Fondo de Restruturación Ordenada Bancaria creado polo goberno español para operacións que garantan a viabilidade das entidades de aforro e que ten un prazo de caducidade.

A conselleira subliñou que é preciso estar atentos ao contexto financeiro xa que o “escenario actual permite pensar en todo tipo de movementos”. Porén, a conselleira cre que o Goberno ten que escoitar de xeito preferente o que pensan as propias caixas antes de actuar.