Vieiros

Vieiros de meu Perfil


Edición xeral

RSS de Edición xeral
Conflito transfronteirizo

Taxistas portugueses ameazan con "bloquear" a fronteira de seguiren sendo retidos e multados na Galiza

Segundo o presidente do gremio, a Garda Civil dilles que "non poden iniciar viaxe, con clientes, en España, mesmo que os clientes sexan portugueses".

Redacción - 17:45 22/09/2009

O presidente da Associação Nacional dos Transportadores Rodoviários em Automóveis Ligeiros (Antral), Florêncio de Almeida, ameazou este martes cun "bloqueo" nas fronteiras de non tomaren as autoridades portuguesas antes desta cuarta feira unha posición sobre a detención de taxis portugueses no noso país, informa a axencia Lusa.

A razón que se lles dá por parte da Garda Civil, segundo explicou Florêncio de Almeida, é "non poderen iniciar viaxe, con clientes, en España, mesmo que os clientes sexan portugueses". O presidente de Antral asegurou que nos últimos dous meses foron varios os vehículos interceptados.

"Só na última fin de semana dous carros portugueses foron multados e retidos por este motivo, un dos cales trasladouse a España a petición dunha compañía de seguros, no ámbito da asistencia en viaxe", afirmou Florêncio de Almeida.


4,43/5 (7 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: