Vieiros

Vieiros de meu Perfil


Edición xeral

RSS de Edición xeral
Conflito de Massó

A alcaldesa de Cangas acusa o PP de "orquestrar unha operación" para derrubar o Goberno municipal

Apunta varios responsábeis do porto deportivo, entre outros, o xerente da confraría que en 2004, cando era edil popular, "votou a favor" da obra.

Redacción - 19:15 12/09/2009

A alcaldesa de Cangas, Clara Millán (BNG), acusou este sábado o PP de arbitrar unha "operación orquestrada", utilizando a polémica do porto deportivo de Massó, para derrubar o Goberno local.

Millán sinalou que se trata dunha "operación orquestrada" polo PP, coa "colaboración inestimábel", dalgúns membros da confraría de pescadores, entre os que citou o seu xerente, David Fernández, que en 2004, cando era edil do PP de Cangas, "votou a favor do porto deportivo".

Agora, apuntou ao respecto da protesta deste venres, "vai no barco do patrón maior pedindo a dimisión da alcaldesa, que entón votou en contra da obra e sempre estivo e estará" oposta á mesma.

Responsábeis da obra
Para Clara Millán, os responsábeis de que se estea construíndo o porto son Xosé Henrique Sotelo, ex alcalde, e o grupo municipal do PP que en 2004 votou en favor do porto; tamén a Autoridade Portuaria de Vigo, ou o ex conselleiro de Pesca Henrique López Veiga, que informou favorabelmente da obra, así como o xerente da confraría.

A alcaldesa sostén que o líder do PPdeG e presidente da Xunta, Alberto Núñez Feijoo, e o seu partido "están a facer unha campaña de ataque sobre este Goberno e sobre o resto de concellos da área metropolitana que non son da súa cor co fin de desgastalos".


4,15/5 (20 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: