Vieiros

Vieiros de meu Perfil


Máis Alá

Xestionado por Vieiros
RSS de Máis Alá
14 traballos galegos na escolma

Curtas de 36 países na sexta edición do Curtocircuito

Entre as case 2.600 curtametraxes recibidas, o festival seleccionou as 129 que se exhibirán do 10 ao 17 de outubro en Compostela.

Redacción - 13:45 31/08/2009
Imaxe de "A nena que tiña unha soa orella"

Imaxe de "A nena que tiña unha soa orella"

O Curtocircuito xa fixo a súa selección. A sexta edición do festival internacional de curtametraxes escolleu as 129 curtametraxes de 36 países diferentes que exhibirán do 10 ao 17 de outubro en Santiago de Compostela. A escolma fíxose entre as máis de 2.600 curtametraxes recibidas.

O festival conta con seccións internacionais de animación, documental, experimental e ficción internacional, ademais dun apartado para curtas galegas e outro para traballos do Estado. No Curtocircuito poderán verse curtametraxes europeas e estadounidenses, pero tamén doutros países como Corea do Sur, Senegal, Irán, Brasil, India, Filipinas, Nova Zelandia e Xapón.

A escolma de curtametraxes galegas está formada por A nena que tiña unha soa orella, de Álvaro León; Anim 01, de Juan Lesta e Belén Montero; Campás, de Jairo Iglesias; Dies dei, de Nani Matos; O soldadiño de chumbo, de Virginia Curiá e Tomás Conde; Entrevías, de Edu Lavandeira; A miña vida nas túas mans, de Nuno Beato; O pintor de ceos, de Jorge Morais; O raio transparente, de Pancho Lapeña; Pola mañá, de Toño Chouza; The werepig, de Samuel Ortí; Uruguay 2030, de Rafa de los Arcos; Vellas, de Carlos Prado e X nada, de Dani de la Torre e Toni Veiga.

25 curtas no festival de Bueu
Antes da cita co Curtocircuito, o Festival Internacional de Curtametraxes de Bueu celebra a súa segunda edición. Do 7 ao 12 de setembro poderanse ver na vila do Morrazo 25 curtas Bélxica, Arxentina, Estados Unidos e do Estado. Entre as seleccionadas atópanse dúas producións galegas: O pintor de ceos e Pola mañá.


5/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí:



[vimeo]3817895|310|265[/vimeo]

"The werepig", de Samuel Ortí

Trailer de "Campás", de Jairo Iglesias