Vieiros

Vieiros de meu Perfil


Edición xeral

RSS de Edición xeral
EMPREGO XUÑO

O paro cae en 7.381 persoas, malia ser superior que hai un ano

Por cuarto mes consecutivo, Galiza rexistra un descenso do número de desempregados, converténdose na comunidade onde máis baixou o paro.

Redacción - 10:40 04/08/2009
Galiza é a comunidade onde máis baixou o paro este último mes

Galiza é a comunidade onde máis baixou o paro este último mes

As contratacións estivais, os efectos dos plans estimulados pola administración... Xullo volveu ser un mes positivo para o mercado de traballo e as estatísticas dánlle un respiro ás cifras do desemprego. Así o revelan os datos ofrecidos este martes polo Ministerio de Traballo, que poñen de manifesto o cuarto mes de contención do paro en Galiza.

O número de desempregados rexistrados nas oficinas do Instituto Nacional de Emprego (Inem) baixou en 7.381 persoas en xullo, con respecto a xuño, é dicir, unha caída do 3,7%. Segundo estas cifras, no último mes atoparon traballo uns 238 galegos por día. Así, son 192.859 os galegos que están anotados nas listas do paro. Galiza lidera ademais a caída do desemprego a nivel estatal, xa que é a comunidade onde o descenso foi maior: no Estado Español o número deparados baixou nun 0,6% (20.794 persoas).

Malia os catro últimos descensos mensuais, nos últimos doce meses o número de desempregados aumentou en 43.541 persoas con respecto a xullo de 2008 (1.117.179 en todo o Estado), o que supón unha subida do 29,16% (no Estado, 46,03%).

Por provincias
Con respecto ao mes anterior foi Lugo a provincia na que baixou máis o número de desempregados, con 881 persoas que atoparon traballo en xullo (-4,90%). Séguelle Pontevedra, con 3.073 persoas que abandonaron as listas do paro (-3,91%); Ourense, con 861 parados menos (-3,82%); e A Coruña, con 2.566 traballadores máis (-3,16%).

Por sectores
Segundo a ocupación, os servizos encabezaron a baixada do paro, con 4.797 desempregados menos que en xuño. Séguelle a industria (con 2.495 menos), a agricultura (2.447), e a construción (1.757). Porén, no Estado, a construción tivo un papel importante no descenso do desemprego, o máis destacado logo dos servizos.


Ligazóns

0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: