Vieiros

Vieiros de meu Perfil


Edición xeral

RSS de Edición xeral
XA HAI ACORDO

As caixas galegas entran no accionariado da AP-9

O grupo de construción Sacyr anunciou a venda dun 17,4% do capital de Itínere a Caixa Galicia, Caixanova e Cajastur, que entran así na xestión da autoestrada.

Redacción - 11:45 15/07/2009
A propiedade de Itínere repártese agora entre Sacyr, Caixanova, Caixa Galicia, Cajastur, Citi e BBK.

A propiedade de Itínere repártese agora entre Sacyr, Caixanova, Caixa Galicia, Cajastur, Citi e BBK.

Logo de varios días de negociacións, Sacyr Vallehermoso confirmou a venda do 17,4% de Itínere a Caixa Galicia, Caixanova e Cajastur, por un importe de 500 millóns de euros, a razón de 3,96 euros por acción.

Unha vez pechada a operación, a distribución de participacións queda como segue: as caixas galegas repartiranse a partes iguais un 13,92% de Itínere (máis do que se barallaba nun principio), polo que pagaron 200 millóns de euros cada unha. O restante 3,48% pasa a mans de Cajastur, que achegou outros 100 millóns. Mentres, Sacyr Vallehermoso conservará unha participación do 9,95% do capital social e o socio maioritario continuará a ser Citi, que conta co 62,7%. Finalmente, o BBK conta con outro 9,3% que completa o accionariado.

Tanto a construtora como as tres caixas comprometéronse a achegar e vender a totalidade da súa participación en Itínere (27,36%) a SyV Participaciones II, sociedade integramente participada por Sacyr e que será a que interveña finalmente na fusión entre Itínere e Pear Acquisition Corporation. Esta última, propietaria ao 100% de Citi Infraestructure Partners será a que xestionará a autoestrada galega.


0/5 (0 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: