Vieiros

Vieiros de meu Perfil


Edición xeral

RSS de Edición xeral
Visita ás instalacións de Cerceda

Hernández asegura que a ampliación da planta de Sogama mellorará a súa capacidade en 342 mil toneladas

O conselleiro de Medio Ambiente confirmou que os resultados da autoría ambiental que se está a efectuar coñeceranse "este verán".

Axencias - 12:45 12/07/2009

O conselleiro de Medio Ambiente, Territorio e Infraestruturas, Agustín Hernández, asegurou este sábado que a ampliación prevista para a planta de residuos da Sociedade Galega de Medio Ambiente (Sogama), mellorará e incrementará a súa capacidade nunhas 342 mil toneladas.

En declaracións aos medios logo de visitar as instalacións da empresa pública en Cerceda, Hernández avanzou que "en seis meses" estará listo o esquema de xestión de residuos de Galiza, e a construción de dous novos vasos de residuos na planta de Cerceda. O primeiro sairá a licitación "a próxima semana".

"Sogama seguirá sendo un dos piares do novo plan de residuos sólidos urbanos, e para iso será dotada de novas infraestruturas que permitan dimensionala axeitadamente para solucionar a saturación actual", sinalou.

Auditoría ambiental

Por outra banda, confirmou que os resultados da autoría ambiental que se está a efectuar coñeceranse "este verán", e que a partir de aí "tomaranse as medidas necesarias" aínda que "xa se está poñendo en marcha medidas urxentes".

A Consellaría informou de que a auditoría ten varias fases. Por unha banda, unha identificación e avaliación dos "aspectos ambientais expostos" e, por outra, os "aspectos legais e administrativos". Tamén se estuda a "adecuación á normativa vixente, tomando como referencia as normas ISO".


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: