Vieiros

A asociación Gandeiros Unidos participará nas mobilizacións convocadas a próxima semana en Compostela e Lugo polos tres sindicatos agrarios e as cooperativas lácteas para exixir "axudas directas de inmediato" e solucións á crise que atravesa o sector. A organización constatou un agravamento da conxuntura das explotacións e, por iso, decidiu sumarse á protesta.

Esta asociación, integrada no noso país por uns dous mil produtores leiteiros, pediralle á Administración española que controle a entrada de materia prima procedente doutros países, que responsabilizan de "arruinar" os produtores do Estado.

Neste senso, denunciaron que hai gandeiros que se perciben o leite a nove céntimos o litro, contía que cualificaron de "ruína", e explotacións que cobran a materia prima de tres en tres meses. Ademais sinalaron que adoptarán medidas legais contra as "ameazas" e "presións" recibidas para non asistiren ás manifestacións ou ás tractoradas de hai un par de semanas en Compostela.