Vieiros

Vieiros de meu Perfil


Galego.org

Xestionado por Vieiros
RSS de Galego.org
A nivel local

Anxo Lorenzo anuncia a creación dunha rede de dinamización lingüística

O secretario xeral de Política Lingüística dixo que o novo organismo coordinará os programas de promoción do idioma postos en marcha polos concellos.

Redacción - 17:40 06/07/2009

O secretario xeral de Política Lingüística, Anxo Lorenzo, anunciou a súa intención de poñer en marcha unha rede de dinamización local lingüística local. O seu cometido sería coordinar programas e liñas de actuación conxuntas, a nivel municipal, para conseguir mellor eficacia e difusión das actividades de fomento da lingua que efectúan os concellos.

Nesa rede, explicou Lorenzo, as deputacións terá un papel importante. Ademais, o secretario xeral anunciou que o venres conmemorarase o 25 aniversario da Declaración do Hostal para a defensa e a promoción do galego nas corporacións locais. No acto, en que se renovará ese compromiso, participará a Fegamp.

Anxo Lorenzo fixo o anuncio durante unha xuntanza co presidente da Deputación de Pontevedra, Rafael Louzán, para renovar o compromiso das dúas institucións a prol da lingua. Tamén se analizaron posíbeis actividades conxuntas entre as dúas administracións.


1,75/5 (8 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: